Ndambararia moko makwa
ndagooca ritwa riaku
Mbere ya nduriri ciothe
cia thi ino niguo ciigue
Wega na utugi waku
uria ukinyagiria andu aku
Nindakugooca ni tondu
we uri mwega
Ni ndakugooca Mwathani
tondu niwe Munyumbi
We uteithagia ngoro yakwa
hindi iria igwetereire
Riria andu mandiganiirie
ukoragwo hamwe na nii
Nindakugooca ni tondu
we uri mwega
Loti erwo ni Iburahimu
ethurire kuria ekwenda
Agithurira cianda-ini
kuria onaga gwi kwega
Iburahimu akiambata
agature kirima-ini
Ukimurathima ni tondu
we uri mwega
Jusufu endio ni ariu a nyina
Misiri me ruru-ini
Matigacoke kumuona
tondu nimamuthuire
Wathire ukimurathima
tondu niwamwendete
Ukimunenehia ni tondu
we uri mwega
Hannah riria arugamite
kigongona-ini kia ma
Akihoya na ruo ngoro
na maithori ma mwiri
Umwehereirie kinyururi
kia muiruwe Peninah
Ukimuhe mwana ni tondu
we uri mwega
Daudi wamwamuriire
uthamaki ari ruru-ini
Riria Saulu aregire
kuigua mataro maku
Ukimutunya uthamaki
ukinengera Daudi
Ukimutugiria ni tondu
we uri mwega
Riria Paulo na Sila
maikirio korokoro
Matigacoke kuhunjia
andu matikahonoke
Na riria makugocaga
muraika akihingura
Mirango moime ni tondu
we uri mwega
0 comments
Post a Comment