Kwanaciarwo aingi atungu na aceke
Akuhi na araihu nowe niwe ungenagia
Niwang’omanire ta nguo thaka
Ithondeketwo wega nditiyage nawe
Chorus:
Mutumia ngatha oimaga kwi Ngai
Na thogora wake ee goro gwi thahabu
Muthuri wake niamwihokaga
Na niamutiithagia mena athuri angi
Nindacitie mbia, mburi na ng’ombe
No indo icio itingigura mutumia ngatha
Mburi na ithaka no uheyo ni aciari
No mutumia mwega oimaga kwi Jehova
Chorus
Nindikwendaga, njathikagira
Tuhingie mihitwa ino tukenagie Ngai
Ngai tuohiithanie, na ikundo irumu
Ritangikundurwo ni wara wa caitani
Chorus
Reke andu moigage nitwakigire
Matuona tutwaranite tugithii Shopping
We niwatuikire ihuwa riakwa
We niwe ugemetie muturire uyu wakwa.
Chorus
Ndunyendeire mbia, twanathinika
Ukanyumagiriria tweterere oo Ngai
Uhana merikebu iria ithiaga
Guthugura kuraya inukie mucii
Chorus x2
0 comments
Post a Comment