Amukira Igongona (Philip Kimani) Lyrics

Nĩngũkũinĩra rũĩmbo Baba,
Abba ũkĩnjigue;
Ruumĩte mũthithũ wa ngoro thĩinĩ,
Ndirĩ kĩndũ kĩngĩ kĩega gĩa gũkũrehera;
Amũkĩra igongona rĩa ngoro yakwa.
Ndatũraga ndumainĩ ũkĩnyonekera,
Ũkĩ rehe ũtheri ngoro yakwa thĩinĩ:
Naniĩ rĩũ nĩ ngũkenera ũtheri ũcio waku,
Amũkĩra igongona rĩa ngoro yakwa.

Waringithanirie mwana,
Waku Wendete mũno,
Na ndũrũme ya igongona niĩ honoke:
Akĩnguĩra mehia makwa, ruuo na mĩnyamaro,
No nĩ mweke mũciĩ ucio wa igũrũ.
O na mũciari wakwa ndangĩetĩkĩrire;
Kũndutĩra muoyo wa mwana ũngĩ,
Wendo waku nĩ mũnene, ndũmenyeka ũrĩa ũtariĩ,
Amũkĩra igongona rĩa ngoro yakwa.

Nĩ ngũnyarara ũtonga na indo cia gũthira,
Tondũ rĩrĩa mehia mahatĩrĩirie,
Nda caririe ũteithio indoinĩ na ndia teithĩkire;
Ndakaĩra Baba akĩnyamarũra.
Ngũria muoyo wa mũndũ, ũngĩkĩgũrũo nakĩ?
Kuona atĩ indo ciothe ciathĩ itingĩigana;
Mbeca igũraga o indo, iria nyandĩke thogora,
Ngũria muoyo ũngiuma mbeca cigana.

Hihi ndakinya gwaku, na wanyamũkĩra,
Nĩ ũkahe ngarama ya ũhonokio wakwa?
Aca ndũkandarĩra marĩa ndũmĩte wĩke,
Tondũ ndũranyenderia ũhonokio.
Angĩ maheete thirĩ, nĩ mandokagĩra,
No nĩngũkena atĩ ndũnandũraga;
Nanguona no wega tondũ, ingĩgĩkũrĩha nakĩ?
Amũkĩra igongona rĩa ngoro yakwa.

Kuona atĩ ndũngĩ hakwo,na indo cia gũthira;
Na ndũngĩ henio nĩ mũndũ ũrĩ ũmbĩta;
Kĩhe ũthingu wa ngoro, ndi karegwo nĩ wee,
Ngwĩrirĩria gũgatũrania nawe.
We Mwega na Mũthingu, Ndakũina mĩrĩra,
Nĩ tondũ wa wĩrutanĩria waku,
O na wĩrutĩri waku, nĩguo ngahonoka;
Amũkĩra igongona rĩa ngoro yakwa.
O na wĩrutĩri waku, nĩguo ngahonoka;
Amũkĩra igongona rĩa ngoro yakwa.
Amũkĩra igongona rĩa ngoro yakwa.
Amũkĩra igongona rĩa ngoro yakwa.