Wendo Wa Jesu Ni Mwega Muno Lyrics

Wendo Wa Jesũ Nĩ Mwega Mũno
Kũrĩ wa gũkũ thĩ.
Nĩguo watũmire oime Igũrũ
Atũhonokie.

Nĩ wendo mwega ma,
Ũtagũrĩkaga,
Coka o rĩu mũndũ mũnogu,
Kũrĩ wendo ũcio.

Ngoro ya Jesũ nĩ njega mũno;
Ĩiyũirũo ni wendo.
Ikeno ciitũ nĩacimenyaga
Na mathĩna maitũ.

Riitho rĩa Jesũ rĩĩ kũndũ guothe;
Rĩroraga ngoro:
Narĩo rĩkona meciria mothe,
O na mehia maitũ.

Mũgambo wa Jesũ nĩ mwega mũno;
Na nĩ mũhoreri:
Tũthikĩrĩrie tũigue ũmũthĩ,
Tũtuĩke ahoreri.

Nĩtwathĩkĩre mũgambo wake
Ũgĩtwĩta rĩu;
Tũkahurũke wendoinĩ ũcio
Mwega wa Jesũ.