Mikuru Ya Rika Lyrics

Jesũ nĩngenaga nĩ wendo ũcio waku
Ũgĩtĩkĩra kũnguĩra o na itarĩ kĩene
Ngĩe kĩrĩgĩrĩro kĩrĩa ĩtarĩ mbere
Gĩa thũmbĩ ĩrĩa ũnjigĩire ĩrĩa ĩtabuthaga

Mĩkuru yarika na ĩrĩma cia neneha
Ndeithia Ngai wakwa ndikanorĩre kuo
Njerũhĩria hinya tuĩka mũndongoria
Na ũndeithie gũkwĩhoka o na kũrĩ nduma

Nĩwakirĩrĩirie hau mũtharaba-inĩ
Ũkĩamwo nĩgetha ngainia thũmbĩ ĩo ya muoyo
Kĩhe ũkirĩrĩria rũgendo-inĩ rũrũ
Na ũhe ngo ya wĩtĩkio ndũrĩkĩtie kĩrĩti

Rĩmwe nĩnogaga na ngagĩa na nganja
Ngona rũgendo rũa raiha na ngorũo nĩ hinya
No ngaigua mũgambo wa Jesũ Mũnyendi
Ũkĩnjĩra nyũmĩrĩrie tondũ akirie gũka

Ngai ũrĩaa warĩ ho hĩndĩ ya Daniel
O na riu arĩ na hinya ndagarũrũkaga
We nĩ mwĩhokeku ndagarũrũkaga
O na hĩndĩ ya mathĩna ndagarũrũkaga

Nawe ũrĩ rũgendo-inĩ ndũkorũo nĩ hinya
Mbaara na ikeno cia thĩ ĩno ikirie gũthira
Jesũ akirie gũka agatuhurũkie
Kũrĩa gũtarĩ maithori na gũtarĩ thĩna


3 comments:

  1. Hold me oh Jesus , when mountains rise higher in life and valleys deepen in life, give me strength. My prayer to you Jesus, Lord and Saviour of my sould

    ReplyDelete
  2. Lord I am grateful, this far you are Ebenezer in my life 🙏 🙏.

    ReplyDelete