Wee Nowe Mutheru, Ngai Murungu Witu Lyrics

Wee nowe mũtheru, Ngai Mũrungu witũ;
Rũcinĩ tene nĩtũgũkũinĩra; 
Wee nowe mũtheru; mwega na mũthingu; 
Ngai nĩ Ũtatũ, ningĩ no Ũmwe.

Wee nowe mũtheru; aaraika atheru, 
Nĩmegũkũgoca magĩgũkumagia; 
Harĩ Akerubi, o na Aserafi, 
Othe nĩmegũkũinamĩrĩra.

Wee nowe mũtheru; ũrĩ hitho-inĩ, 
Ndũngĩhota kuonwo nĩ maitho maitũ; 
Wee nowe Mwathani, gũtirĩ ũngĩ tawe; 
Wee mwene wendo; ũtũrathime.

Wee nowe mũtheru, Ngai mũnene, guothe, 
Nĩũkĩgocagwo nĩ mawĩra maku; 
Wee nowe mũtheru, mwega na mũthingu; 
Ngai nĩ Ũtatũ, ningĩ no Ũmwe.