Utuiguire Tha, Ngai Lyrics

Ũtũiguĩre tha, Ngai,
O na ũtũrathime;
Ũtuonie ũthiũ waku rĩu
Na ũtũhe ũtheri.

Nĩguo ciĩko ciaku
Imenyũo gũkũ thĩ,
Ndũrĩrĩ ciothe imenye
Ũhonokio waku.

Andũ othe, Mwathani,
Nĩmakũgoocage;
Nacio ndũrĩrĩ ikene,
Ikũinĩre nyĩmbo.

Nĩũkamacirira,
Ũcire wega ma:
Ndũrĩrĩ ciothe cia thĩ ĩno
Nĩwe ũgathaga.

Andũ othe, Mwathani,
Nĩmagũkumagie;
Anene o na arĩa anini
Makũgoocage we.

Kwĩ bũthi wa irio
Uumĩte mĩgũnda;
Ngai witũ nĩarĩrehage
Kĩrathimo gĩake.

Nĩagatũrathima;
O na andũ othe nao,
Ituri ciothe cia thĩ ĩno,
Mamwathĩkagĩre.