Riitwa Riaku, We Mwathani Lyrics

Rĩĩtwa Rĩaku, We Mwathani,
Rĩĩ bata gũkũ thĩ:
Riri waku nĩwaraga
Matuinĩ na Igũrũ.

Nĩũtũmaga twana twaku
Tũgĩkũinagĩre
Nĩ ũndũ wa amuku aku,
Nĩ getha makũmwo.

Ndatiira maitho na Igũrũ
Ndona ũũmbi waku;
Mweri na njata nĩ wĩra
Wa moko maku mwene.

Ndeyũria ngoroinĩ Yakwa
Mũndũ akĩrĩ kĩ?
Tondũ we nĩũmũroraga
Na ũkamwenda mũno.

Nĩwe Ngai, ũmũheete
Mũhianĩre waku,
Ũkamũtua wa gwathaga
Ciũmbe ciaku ciothe.

Igũrũ rĩa wĩra waku
Riri nĩwonagwo:
Rĩĩtwa rĩaku, Mwathi witũ
Nĩrĩgoocagwo guothe!