Mariamu Niaikaire Hamwe Na Jesu Lyrics

Mariamu nĩaikaire hamwe na Jesũ
Akĩenda kũigua ũhoro wake
Tondũ wa ũtugi wake akĩheo kwĩnyihia
Na niĩ nĩngũthiĩ o harĩ Jesũ
Na ndĩnyihie mũno andute o na niĩ

Mariamu nĩakairie o harĩ Jesũ
Akĩruta wĩra wĩra mwega ma
Akĩrehe maguta matuĩke ta mũhera
Na niĩ nĩngũthiĩ o harĩ Jesũ
Wĩra wa mwathani o na niĩ ndute

Na mũthenya ũmwe rũcinĩ tene
Akĩona Mwathani agĩkena ma
Agĩcoka kwĩrana mwathani nĩariũkĩte
Na rĩu atĩ Jesũ arĩ na muoyo
Nĩ ũndũ wakwa mwene na ndĩ o mwĩhia

Ngĩthiĩ harĩ Jesu ngwenda o mbere
Ndĩmũmenye wega na ndĩmwĩtĩkie
Ningĩ wĩra-inĩ wake nĩngagĩa na hinya ma
Ndĩmũtungatĩre ndĩ na wĩtĩkio
Ningĩ gwake igũrũ ngamũkumagia