Hingo Ya Rugendo Rwakwa Lyrics

Hingo ya rũgendo rwakwa ndorete Matu-inĩ,
Rĩrĩa ndĩgũkũthĩ, ndũraga mbara-inĩ,
Ngoro yakwa yetereire. Mwago wa Matu-inĩ.

Mũtũrĩre ũyũ ndinaguo Muoyo-inĩ wa Mwĩrĩ,
Ngai ndagũthaitha, tondũ nĩnyonaga,
Ũtũro wakwa ndũrĩi thĩ-ĩno gwitu nĩ Matu-inĩ.

Maũndũ marĩa nyonaga rĩrĩa ndĩ gũkũ thĩ,
Mega kana moru manyonagĩrĩria,
Ciothe cia thĩ ĩno igathira na no ciagũthira.

Muoyo wa Mũndũ ũtuĩrĩirwo matukũ manini,
Magũikara thĩĩno, wĩtĩkie Mwathani,
Warega no wetereirwo gĩtĩ-inĩ gĩa cira.

Wona warega Mwathani, nĩ ũkarĩra wona,
Atĩ igai rĩaku, nĩ ruo na kĩeha,
Mwaki-inĩ ũtahorekaga wa tene na tene.

Ngoro thingu na horeri ciyũirwo nĩ ũtheru
Tiitherũ igakena, mũthenya wa ituĩro
Na maheo igai rĩao rĩa muoyo wa tene.

Arĩa maregire ũtheru makarĩra mona,
Matirĩ muoyo-inĩ nacio tha cia Ngai
Makona irĩ kũraya na maroho mao.